Nis vetingu për prokurorët, prokurorja e Apelit Shkodër sot para KPK-së

Nis vetingu për prokurorët, prokurorja e Apelit Shkodër sot para KPK-së

Besa Nikëhasani, prokurore në Prokurorinë e Apelit Shkodër, është e para prokurore që do të kalojë në procesin e vettingut.

Komisioni i Pavarur i Kualifikimit do të zhvillojë sot seancën dëgjimore me prokuroren Nikëhasani.

Zonja Nikëhasani është pjesë e listës që do të vlerësohen me prioritet nga KPK, pasi kandidon për të qenë pjesë e Këshillit të Lartë të Prokurorisë, i cili në shkelje të çdo afati kohor, ende nuk është formuar.

Besa Nikëhasani e nisi karrierën si prokurore në vitin 1993 në Prokurorinë e Lezhës, dhe më pas në vitin 2004 u zhvendos në Prokurorinë e Apelit në Shkodër.

Bashkë me kontrollin e figurës dhe vlerësimin e aftësive personale, KPK do të analizojë dhe pasurinë e prokurores.

Sipas Birn, në një analizë të 12 deklaratave të pasurisë pranë ILDKPKI-së, në 3 prej tyre janë gjetur probleme, përkatësisht të viteve 2004, 2011 dhe 2014. Vlera totale e pasurisë së pajustifikuar është rreth 4 milionë lekë.

Një javë më parë, KPK vendosi moskalimin e procesit të vetingut, e për rrjedhojë shkarkimin nga detyra, për gjyqtarin e Apelit Durrës, Besim Trezhnjeva, për shkak të mosjustifikimit të pasurisë. Të njëjtin vendim KPK ka marrë më herët dhe për gjyqtarin e Kushtetueses Fatos Lulo.

Vendimi për prokuroren Nikëhasani do të merret më datë 19 prill, dy ditë pas zhvillimit të seancën dëgjimore.

 

LEXO  Vetingu i Arta Markut do të tregojë sa e besueshme është KPK-ja

Lajme te ngjashme