Bujar Nishani ka akuzuar Lulzim Bashën, kryetarin e PD-së se me largimin nga Kuvendi, dy vjet më parë, i dha mundësinë Edi Ramës të bëjë një kod zgjedhor dhe një Kushtetutë sipas interesit të tij.
Në një postim në Facebook, Nishani u shpreh se “qëllimi dhe misioni i vërtetë i Bashës” me djegien e mandative ishte futja në “kurth” e PD-së, dhe dëmtimi i të djathtës shqiptare për 50 vitet e ardhshme.
Nishani theksoi se opozita është asgjësuar dhe kjo i “mundëson” Ramës të qendrojë në pushtet.
Nishani ka folur kundër vendimeve të Kryetarit të PD-së. Ai kërkoi dorëheqjen e tij pas zgjedhjeve të 25 prillit. Madje, Nishani përkrahu publikisht kandidaten për kryetare partie Edith Harxhi.
