Një vizitë në Korenë e Jugut me recetën e pulës së ëmbël pikante

Nga JaMystic
Një vizitë në Korenë e Jugut me recetën e pulës së ëmbël pikante

Sot do të shkojmë në Korenë e Jugut.
Jamystic ju propozon “Pulë të ëmbël pikante”.

Kjo është një pjatë tipike e kulturës koreane quhet “Dagkangjeong” por receta ime është e adaptuar me ingredientë që mund të gjenden lehtësisht.
Për 4 persona duhen:

  • 3 fileto pule(1 përdora kofshë gjeldeti)
  • 4 lugë gjelle niseshte.
  • 1 lugë gjelle feta bajamesh të holla
  • Kripë piper
  • Vaj për skuqjen

Për salcën

  • 2 lugë vaj ulliri
  • 1 lugë mjaltë
  • 1 fixhan kafeje me salcë soja
  • 3 thelpinj hudhër
  • 2 speca djegës
  • 2 lugë sheqer të kuq
  • 1 lugë uthull molle
  • 1 lugë kafeje mustardë
  • 3 fije qepë të njoma

E presim pulën në fileto të trasha sa gishti.
I marinojmë me kripë e piper dhe i kalojmë një nga një ne niseshte që të jenë komplet të thata.
Në një tenxhere hedhim shumë vaj për skuqjen e tyre.Do ti skuqim njësoj si patatet. I nxjerrim nga vaji dhe i lëmë 5 min dhe bëjmë një skuqje të dytë që të dalin me krokante.
I heqim dhe i lëmë mënjanë të pushojnë.
Ndërkohë fillojmë salcën. Presim në copa të vogla hudhrën. Specat djegës i japim në mes dhe u heqim farat. I presim në copa të vogla.
Në një tigan hedhim 2 -3 lugë vaj ulliri dhe skuqim lehtë hudhrën dhe specat djegës. Shtojmë aty mjaltin, salcën soja dhe i trazojmë. Para fundit hedhim uthullën dhe mustarden dhe sheqerin dhe i trazojmë sërish.
Salcën e nxehtë e hedhim mbi filetot e skuqura dhe i shtojmë gjethet e qepës të grira dhe fetat e bajameve.
Jamystic ju këshillon: Ju mund të shtoni ose hiqni sipas dëshirës sasinë e specit djegës. Kujdes edhe me salcën e sojës se mund t’ju dalë e kripur. Hidheni lugë lugë dhe provojeni.
Kjo pjatë do si shoqërues oriz të zier basmati ose oriz të zi.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>