Kreu i Organizatës Botërore të Shëndetit njoftoi të mërkurën se bota mund të shohë 100 milionë raste të tjera të koronavirusit deri në fillim të vitit 2022, raporton Washington Post.
Komentet e Drejtorit të Përgjithshëm Tedros Adhanom Ghebreyesus vijnë pasi numri i rasteve të regjistruara të COVID në nivel global arriti në 200 milionë javën e kaluar, vetëm gjashtë muaj pasi bota kaloi 100 milionë raste.
Zyrtarët e OBSH-së theksuan më tej në një konferencë për media të mërkurën se përhapja e shfrenuar e varianteve të reja të COVID, siç është varianti Delta, mund të ndryshojë supozimet e mëparshme në lidhje me imunitetin e tufës.
Tedros gjithashtu sugjeroi që shkalla në rritje e rasteve mund të frenohet dhe tha se OBSH po eksploron trajtime të reja kundër koronavirusit, sipas Washington Post.
“Në trajektoren aktuale, ne mund të kalojmë 300 milion raste në fillim të vitit të ardhshëm,” tha Tedros, për gazetën amerikane.
“Ajo që po ndodh me koronavirusin … është se ndërsa variantet po shfaqen dhe janë më të transmetueshme, kjo do të thotë që një pjesë më e madhe e njerëzve duhet të vaksinohen për të arritur një nivel imuniteti të tufës,” tha Katherine O’Brien, drejtoreshë e Departamenti i imunizimit i OBSH -së, sipas Postës.
