OBSH shpall marrëveshjen me Pfizer nëpërmjet COVAX

Nga Exit News
OBSH shpall marrëveshjen me Pfizer nëpërmjet COVAX

Organizata Botërore e Shëndetësisë tha se kishte arritur një marrëveshje me Pfizer për 40 milionë doza të vaksinës së saj kundër COVID-19.

Drejtori i Përgjithshëm i OBSH-së Tedros Adhanom Ghebreyesus tha në një konferencë shtypi se marrëveshja e re me Pfizer duhet të lejojë që shpërndarja e vaksinave nga COVAX të fillojnë në shkurt për punonjësit e sistemit shëndetësor.

COVAX ka thënë se shpreson të shpërndajë rreth 1.8 miliardë doza në 2021 në 92 vende të varfëra, duke mbuluar rreth 27% të popullsisë së tyre.

Aleanca COVAX u krijua në Prill nga Organizata Botërore e Shëndetësisë dhe në të marrin pjesë 180 shtete, përfshi të gjitha anëtaret e BE-së.

COVAX ka si qëllim të bashkojë kapacitetet financuese dhe prodhuese për të siguruar një sasi sa më të madhe vaksinash për t’i shpërndarë ato mes vendeve anëtare të alenacës.

Covax ka bërë marrëveshje me 9 prodhues vaksinash, përfshi Moderna dhe AstraZeneca, por ende nuk kishte lidhur marrëveshje me Pfizer, vaksinat e të cilëve nisën të parat të shpërndaheshin pasi morën miratimin nga rregullatorët.

Shqipëria ka lidhur një marrëveshje me COVAX për 1,140,000 doza, që mbulojnë rreth 20% të popullsisë.

Lexo edhe: Çfarë është skema COVAX dhe si e përfiton Shqipëria vaksinën anti-Covid

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>