Bindja Demokratike është parti e regjistruar në kundërshtim me ligjin për të marrë pjesë. Kështu shpehet raporti paraprak i misionit të vëzhgimit të zgjidhjeve të OSBE-ODIHR-it.
Raporti kritikoi interpretimin e bërë nga Komisioni Qendror i Zgjedhjeve në rastin e regjistrimit të Bindjes Demokratike në zgjedhjet e 30 qershorit. ODIHR ka arritur në përfundimin se Bindja Demokratike nuk përmbushte kushtet ligjore për të qënë subjekt zgjedhor:
“KQZ-ja e interpretoi ligjin në një mënyrë tejet të gjerë dhe, ndonjëherë jokonsistente, duke cenuar sigurinë juridike. KQZ-ja e regjistroi Bindjen Demokratike (BD) si subjekt zgjedhor më 27 prill, ndonëse kjo e fundit ishte regjistruar si parti politike vetëm më 25 prill me një vendim gjykate që mori formë të prerë më 10 maj. Përveç kësaj, KQZ-ja nuk i kërkoi partisë së saporegjistruar, Bindjes Demokratike, të mblidhte firma mbështetëse, duke e shpërfillur kërkesën për periudhën gjashtë-mujore.”
Exit.al ka shpjeguar gjerësisht paligjshmërinë dhe shkeljet e bëra në regjistrimin në gjykatë dhe KQZ të BD-së.
Bindja Demokratike u rregjistrua në KQZ më datën 27 prill, përtej afatit ligjor të 23 prillit, dhe pa një vendim të formës së prerë nga gjykata, duke qenë se vendimi i regjistrimit në gjykatë është apeluar nga qytetarë që pretendojnë se u është fallsifikuar firma
BD konkuroi në 21 bashki në votimet e 30 qershorit, në të cilat kandidatët e saj ishin të vetmit përballë atyre të PS-së, duke krijuar kështu dukje pluraliste dhe konkuruese të votimeve në këto bashki.
