Presidentja e Kosovës Vjosa Osmani u përplas me presidentin serb Aleksandër Vuçiç, për krimet e kryera nga serbët në Bosnje dhe Kosovë.
Në një reagim për Radio Televizionin e Kosovës, RTK Osmani sqaroi se përplasja ndodhi gjatë diskutimit për krimet e serbëve në Bosnje -Hercegovinë dhe në Kosovë, në samitin e Brdo-Brionës:
“Kur ne folëm për këto krime, aty ndodhi kundërshtimi i Vuçiçit. Ne folem qartë për krimet e kryera edhe në Bosnje edhe në Kosovë dhe kjo e pengoi Vuçiç”.
Ajo shtoi se Serbia duhet të pranojë krimet në mënyrë që të ecë përpara:
“Unë isha e qartë që Serbia do të ecë përpara vetëm kur e pranon shtetin e Kosovës dhe vetëm kur i vë prapa grilave kriminelët. Vuçiq kishte qasje tjetër dhe kjo është për të ardhur keq”.
Osmani u shpreh se “Vuçiç institonte që ndryshimi i kujfijve të vendeve të Ballkanit Përendimor t’ju lihen vetëm shtetet anëtarëve që janë pjesë e OKB-së”.
