Vjosa Osmani vendos, zgjedhjet në Kosovë më 14 shkurt

Nga Exit News
Vjosa Osmani vendos, zgjedhjet në Kosovë më 14 shkurt

Kosova do të shkojë në zgjedhje më 14 shkurt, sipas vendimit të Presidentes Vjosa Osmani.

Presidentja po ashtu ka nxjerrë Dekret për shpërndarjen e Legjislaturës së shtatë të Kuvendit të Republikës së Kosovës.

“Presidentja, dr.Vjosa Osmani, ka marrë vendim të shpallë zgjedhjet dhe të caktojë 14 shkurtin 2021 datë për mbajtjen e zgjedhjeve parlamentare të parakohshme.”, thuhet në njoftimin e Presidencës së Kosovës.

Kosova po mban zgjedhje të parakohshme pasi Gjykata Kushtetuese vendosi që qeveria aktuale nuk është votuar në mënyrë kushtetuese pasi vota e një deputeti nuk është e ligjshme.

Kushtetuesja ka konstatuar që vota e deputetit, Etem Arifi, pro krijimit të Qeverisë Hoti, ka qenë e pavlefshme.

Vota e tij ishte vendimtare në formimin e qeverisë aktuale, i cili mori vetëm 61 vota në parlamentin me 120 vende, numri minimal i votave të kërkuara.

Etem Arifi, është i dënuar me vendim të formës së prerë prej më shumë se një vit burgim. Arifi ishte dënuar për veprën penale “mashtrim me subvencione”

Këto janë zgjedhjet e dyta që mbahen në Kosovë në më pak se një vit.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>