Parisi dhe Marseja shpallen zona me rrezik të lartë infektimi

Nga Exit News
Parisi dhe Marseja shpallen zona me rrezik të lartë infektimi

Franca ka shpallur si zona me rrezik të lartë për përhapjen e Covid-19 Parisin dhe Marsejën, dy prej qyteteve më të mëdha të vendit. Vendimi i qeverisë i lejon autoriteteve lokale që të vendosin masa më të rrepta në këto qytete.

Jerome Salomon, kreu i shërbimit shëndetësor kombëtar të Francës, deklaroi të shtunën se veçanërisht ‘situata në këto dy qytete po përkeqësohet nga java në javë’, me numrat e të infektuarve që po rriten ndjeshëm.

Salomoni tha se ka “gjithnjë e më shumë njerëz që infektohen, gjithnjë e më shumë njerëz që mbërrijnë në spitale, duhet të reagojmë para se të fillojmë të numërojmë viktima të reja.”

Agjencia Kombëtare e Shëndetit raportoi të enjten 2,669 raste të reja me koronavirus, duke e shkallën e infeksionit të Francës për 100,000 njerëz në mbi 30.

Aktualisht në Francë numri i të infektuarve ka arritur në 249 mijë, ndërsa numri i vdekjeve në mbi 30 mijë.

Adresa juaj e emailit nuk do bëhet publike.

Lajme te ngjashme