Kuvendi i Kosovës ka miratuar, të hënën, në parim projektligjin për buxhetin për vitin 2021.
Projektligji u miratua me 64 vota pro.
Të martën, kuvendi do të vijojë diskutimin nen për nen, ndërsa deputetët mund të propozojnë amendime deri në orën 10:00.
Miratimi i planin të buxhetit 2021 përpara se kuvendi të shkrihej, ishte kërkesë e kryeministrit në detyrë Avdullah Hoti.
Bashkimi Europian, po ashtu, bëri thirrje për miratimin e buxhetit të Kosovës përpara zgjedhjeve të reja parlamentare, pas vendimit të Gjykatës Kushtetuese të Kosovës për qeverinë Hoti.
Gjykata Kushtetuese vendosi të shpallë jokushtetuese zgjedhjen e qeverisë Hoti për shkak të votës së deputetit Etem Arfi, që sipas vendimit, është jo e vlefshme.
