9 vende të BE-së kanë paraqitur një propozim të ri për përmirësimin e procesit të anëtarësimit të Ballkanit Perëndimor në BE. Propozimi i tyre vjen pas propozimit francez për reformimin e procedurave të BE-së për anëtarësimin e vendeve të reja, i publikuar muajin e kaluar. Lajmi u publikua nga European Western Balkans dhe u përkthye nga Exit.al.
Austria, Cekia, Estonia, Italia, Letonia, lituania, Malta, Polonia dhe Sllovenia kanë hartuar një propozim të quajtur “Elementët për të forcuar procesin e zgjerimit dhe për të mbështetur dhe përshpejtuar integrimin e Ballkanit perëndimor”.
Reforma e procesit të zgjerimit duhet të kryhet përpara vendimit për hapjen e bisedimeve me Maqedoninë e Veriut dhe Shqipërinë, i cili duhet të merret ne mars të 2020, thuhet në prezantimin e dokumentit.
Sipas dokumentit, të parë nga European Western Balkans, 9 vendet propozojnë grupimin e kapitujve të anëtarësimit në dy fusha kryesore, në linjë me tetë prioritete e Marrëveshjes së Stabilizim Asoocimit. Propozimet kryesore janë:
Kapitujt e anëtarësimti duhet të grupohen sipas prioriteteve të BE-së. Ato mund të hapen njëkohësisht dhe jo njëri pas tjetrit.
Duhet të përmirësohen Kapitujt 23 dhe 24 mbi shtetin e së drejtës. Dokumenti propozon se duhet të ketë rekomandime dhe prioritete më të qarta, përfshirë kohëzgjatjen. BE duhet të ofrojë më shumë mbështetje në zbatimin e acquis.
“Të gjtha instrumentet e pranishme të procesit të anëtarësimit, përfshijnë klauzolën e paqëndrueshmërisë, duhet të eksplorohet më shumë për të forcuar më shumë përfitimet e BE-së”, shkruhet në dokument.
Niveli i zbatimti të Acquis BE duhet të jetë i matëshëm, i krahasueshëm dhe i komunikueshëm, dhe përparimet në vlerësim duhet të merren parasysh.
Ndërsa për incentivat financiare, dokumenti thekson se ato duhet të jenë më efektive dhe të targetuara. Pjesmarrja graduale në tregun e përbashkët evropian dhe hapja e më shumë programeve të BE-së për Ballkanin Perëndimor duhet të konsiderohet.
Duhet të zhvillohen takime të përvitshme të Këshillit Evropian me drejtuesit e Ballkanit Perëndimor. Konference ndërqeveritare duhet të ketë më shumë rëndësi politike.
Duhet të rritet pjesmarrja e përfaqësuesve të Ballkanit Perëndimor në takimet e veçanta të Këshillit, në Komitetin e Këshillit dhe grupet e punës së Komisionit.
Anëtarësimi i Ballkanit Perëndimor duhet të diskutohet në Konferencën mbi të ‘Ardhmen e Evropës’, e planifikuar për 2020-2022.
Mbajtja e “Konferencës Evropian” në të gjithë rajonin për të promovuar dialogun dhe këshillimin. Parlamenit Evropian, parlamentet kombëtare dhe shoqëria civile duhet të përfshihen në këtë nisëm.
Anëtarësimi i plotë i rajonit mbetet qëllimit final i procesit, dhe dyert e BE-së mbeten të hapura, thuhet në fund të dokumentit.
