Pas një viti, Gjykata e Lartë nis shqyrtimin e çështjeve

Nga Exit News
Pas një viti, Gjykata e Lartë nis shqyrtimin e çështjeve

Mbas një viti, Gjykata e Lartë do të nisë shqyrtimin e çështjeve të dërguara pranë saj.

Në një njoftim zyrtar në faqen e Gjykatës së Lartë, shkruhet se “Këshilli i Përgjithshëm i Gjyqtarëve vendosi që të nisë menjëherë shqyrtimin e rekurseve të çështjeve të themelit dhe çështjeve të tjera që duhet të shqyrtohen në mënyrë të shpejtë.”

Gjykata e Lartë përbëhet nga katër gjyqtarë, Ardian Dvorani, Sokol Sadushi, Ervin Pupe dhe Ilir Panda. Këshilli i Gjyqtarëve vendosi të caktojë gjyqtarët në kolegjet civile, penale dhe administrative për të vijuar me shqyrtimin e çështjeve.

Mbi 35 mijë çështje presin për tu shqyrtuar nga Gjykata e Lartë, e cila që prej marsit të 2019 u bë jofunkionale. Me emërimin e Sadushit, Pupes dhe Pandës, GJL ka kuorumin ligjor për të shqyrtuar çështjet.

Ligji për Pushtetin Gjyqësor parashikon se trupat gjykuese, në secilin prej kolegjeve të GJL përbëhen nga tre anëtarë.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>