Pas takimit me Biden, Erdogan nuk tërhiqet nga sistemi raketor rus

Nga Exit News
Pas takimit me Biden, Erdogan nuk tërhiqet nga sistemi raketor rus

Presidenti turk, Erdogan është shprehur se i ka thënë presidentit të SHBA, Joe Biden se nuk do të tërhiqet nga sistemet raketore ruse S-400, si pasojë e të cilave Uashingtoni vendosi sanksione ndaj Ankarasë, raporton Reuters.

Biden dhe Erdogan u dukën optimistë pas takimit të tyre të hënën, megjithëse aleatët e NATO-s nuk njoftuan ndonjë përparim sa i përket mosmarrëveshjeve mbi S-400 dhe Sirinë.

Blerja e sistemit raketor rus S-400 nga Ankaraja ka tensionuar lidhjet me Shtetet e Bashkuara dhe aleatët e NATO-s. Ata janë të shqetësuar se ky sistem mund të kërcënojnë avionët luftarakë F-35 të SHBA.

Për këtë arsye Turqisë nuk iu dorëzuan avionët amerikane F-35.

I thashë (Biden-it) që të mos presin nga Turqia të ndryshojë mendim mbi F-35 dhe S-400 sepse ne e bëmë pagesën për F-35” tha Erdogan.

Ankaraja i ka hedhur poshtë shqetësimet se sistemi rus mund të kompromentojë mbrojtjen e vendeve të NATO-s.

Lajme te ngjashme