Partia Demokratike akuzoi sot kryeministrin Rama se ka marrë në mbrojtje persona me të shkuar kriminale duke i bërë ata deputetë të PS-së e kryebashkiakë.
Përmes nënkryetarit të PD-së, Edmond Spaho, PD e quan nismën e Ramës antiKÇK hipokrite pasi nuk prek kriminelët që Rama ka marrë nën mbrojtje. Për PD-në vetëm largimi i kryeminsitri Rama është garanci për të luftuar reliasht krimin e organizuar:
“Edi Rama i bëri trafikantët e drogës, vrasësit, përdhunuesit, deputetë, kryebashkiakë, drejtorë të rëndësishëm në qeverisjen e vet të kriminalizuar.
Është kaq hipokrit me të ashtuquajturin ligj antiKÇK, saç ishte dje, kur mbronte kriminelët e tij nga ligji i dekriminalizimit dhe kur mohonte se më Shqipëri nuk mbillej kanabis.
Edi Rama është i pabesueshëm dhe i dështuar në luftën kundër krimit dhe pasurive të tij. Është ai që u ka dhënë trafikantëve të drogës leje ndërtimi, që vazhdon t’u japë bosëve të krimit dhe familjarëve të tyre tendera publikë dhe koncesione, duke u dhënë mundësi të pastrojnë paratë e pista.
Vetëm largimi i Edi Ramës është garanci për një luftë të vërtetë kundër krimit të organizuar!”
