PD akuzon Prokurorin e Përgjithshëm për vonesa në procesin e dekriminalizimit

Nga Exit News
PD akuzon Prokurorin e Përgjithshëm për vonesa në procesin e dekriminalizimit

PD akuzon Prokurorin e Përgjithshëm Olsian Cela se po pengon procesin e dekriminalizimit për 2 kryebashkiakë, përkatesisht Mark Babani i Vaut të Dejës dhe Qerim Ismailaj i Mallakstrës.

“Për fat të keq, konstatojmë se me ardhjen tuaj në krye të Prokurorisë së Përgjithshme, procesi i verifikimit të figurës së zyrtarëve publikë është frenuar dhe ju jo vetëm keni deformuar/ndryshuar mënyrën e zbatimit të ligjit (siç ishte rasti i shtetasit Agron Malaj), por po pengoni tërësisht zbatimin e ligjit të dekriminalizimit”, shkruhet në letrën dërguar Prokurorit të Përgjithshëm nga Sekretari i Përgjithshëm i PD-së, Gazmend Bardhi.

Në letër Bardhi i kërkon prokurorit të përgjithshëm:

— Informacion të detajuar për të gjitha veprimet administrative që janë kryer deri në këtë moment ndaj Mark Babanit dhe Qerim Ismailajt.

— Informacion mbi fazën në të cilën ndodhet procesi i verifikimit dhe arsyet e vonesës 1 vjeçare.

— Përmbylljen e procesit të verifikimit dhe një reagim institucional të shpejtë nga ana e Prokurorisë së Përgjithshme, me synim që të arrihet qëllimi kryesor që ka ligji i dekriminalizimit, të largojë personat me të kaluar kriminale, duke i penguar që të marrin vendime për qytetarët apo të ndikojnë në zgjedhje.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>