PD denoncon tenderin e maskave: Qeveria i bleu me 2-fishin e çmimit të pakicës

Nga Exit News
PD denoncon tenderin e maskave: Qeveria i bleu me 2-fishin e çmimit të pakicës

Partia Demokratike akuzoi soi qeverinë se ka abuzuar me tenderin për blerjen e maskave dhe pajisjeve të tjera mbrojtëse, më 21 mars dhe më pas, për të fshehur abuzimin e ka klasifikuar tenderin si sekret shtetëror.

Në një deklaratë për shtyp, ish-deputetët Albana Vokshi dhe Enkelejd Alibeaj shpjeguan se qeveria ka blerë mjetet mbrojtëse me shumicë me çmim të paktën dyfish më të lartë se çmimi i zhdoganimit dhe çmimi i shumicës. Vlera totale e tenderit ishte rreth 3,5 milionë euro.

Për shembull, më 21 mars, qeveri ka blerë 200 mijë maska me çmimi 800 lekë ose 6,5 euro copa. Ndërsa çmimi real i çdoganimit të së njëjtës maskë është 3 euro dhe çmimi i shumicës është 400 lekë, sa gjysma e çmimit me të cilën e ka blerë qeveria.

Pra të njëjtën lloj maske që në farmaci shitet për 400 lekë, qeveria e ka blerë nga 2 kompanitë, Farma Net dhe EuroMed, me çmim 800 lekë.

Zonja Vokshi tha se “abuzimi me vetëm blerjen e masakave është 550 mijë euro, shumë e mjaftueshme për ndihmën për një muaj për 14 mijë familje.”

Por të njëjtën taktikë, blerje me çmime më të larta se çdoganimi dhe çmimi i pakicës, qeveria e ka përdorur dhe për pajisjet e tjera siç tregohet në tabelën e mëposhtme:

Screen Shot at PM

Partisë Demokratike i kërkoi qeverisë që të anullojë menjëherë tenderin dhe të kthejë në buxhet paratë e paguara tepër dhe të vjedhura. PD propozon që ato para, në vend që të shkojnë në xhepat e qeveritarëve të korruptuar dhe klientëve të tyre, t’u shkojnë menjëherë familjeve në nevojë dhe biznesit në krizë.

4 komente

  1. Kot fare 19 Prill, 2020 në 8:22 am

    Maska KN95 e certifikuar nga FDA dhe me CE eshte 1.2 USD/pcs ne Kine. Kjo, per sasira te vogla, jo ne kete nivel…

Adresa juaj e emailit nuk do bëhet publike.

Lajme te ngjashme