PD dhe PR ende pa marrëveshje përfundimtare për zgjedhjet

Nga Exit News
PD dhe PR ende pa marrëveshje përfundimtare për zgjedhjet

Ende nuk ka një marrëveshje përfundimtare mes Partisë Demokratike dhe Republikane për zgjedhjet e 2021.

Kreu i Partisë Republikane Fatmir Mediu takoi të premten kreun e Partisë Demokratike Lulzim Bashën ku diskutuan për listat e kandidatëve.

Pas takimit Mediu tha për gazetarët se PR do të kontribuojë për të marrë vota edhe në zona “ku nuk ka pretendime për mandate”. Ai tha se partia e tij do të kontribuojë në koalicion.

Mediu bëri dhe një kërkesë, duke thënë se “programi i PD është i plotë, por duhet të përfshihen edhe idetë e partive të tjera”.

Basha pati të premten një takim me aleatin tjetër të PD Shpëtim Idrizin kreun e PDIU.

Teksa palët ende nuk kanë rënë dakord nëse do të shkojnë në një listë të përbashkët apo jo, afati i fundit për të dorëzuar listën është në 6 mars.

Sa i takon aleatëve të tjerë të PD, Agron Duka i PAA do të garojë në Durrës, Nard Ndoka i PDK në Shkodër dhe Dashamir Shehi i LZHK në Tiranë.

Adresa juaj e emailit nuk do bëhet publike.

Lajme te ngjashme