PD përgëzon PS për tërheqjen nga komisionet online

Nga Exit News
PD përgëzon PS për tërheqjen nga komisionet online

Kreu i grupit parlamentar të PD-së, Alfred Rushaj përgëzoi të mërkurën deputetët socialist për tërheqjen nga mbajtja online e komisioneve parlamentare.

“Më vjen mirë që pati një kthesë në ligjshmëri dhe reflektim për të zbatuar ligjin dhe rregulloren nga drejtuesit e Partisë Socialiste” u shpeh Rushaj gjatë një prononcimi për gazetarët.

Ai shtoi se kjo nuk ishte fitore e PD-së, por zbatimi nga PS-ja i së drejtës së qytetarëve “për të dëgjuar përfaqësuesit e tyre politikë në Kuvend teksa diskutojnë për projektligje”.

Ai i konsideroi mbledhjet e ditëve të fundit në thyerje të rregullores dhe Kushtetutës.

Palët u përplasën mbi mbledhjet e komisioneve qysh javën e shkuar, ndërkohë që një ditë më parë gazetarët raportuan probleme me transmetimin online të mbledhjeve të komisioneve e censurim të opozitës. Kjo e fundit nuk e pranoi vendimin e Konferencës së Kryetarëve dhe u paraqit fizikisht.

 

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>