Partia Demokratike akuzon zgjedhjet e zhvilluara në Universitetin e Tiranës si farsë që përjashtoi pjesën më të madhe të studentëve nga e drejta për të votuar.
Ish deputetja demokrate, Albana Vokshi ka akuzuar qeveinë për manipulim të zgjedhjeve dhe paracaktim të fituesve.
“U përdor e njëjta infrastrukturë partiake. Edhe kutitë e votimit ishin me logo të PS, gjë që ndalohet kategorikisht nga ligji I arsimit të lartë.”, shkruan Vokshi në Facebook.
Studentët qëndruan të grumbulluar në oborrin e Universitetit të Drejtësisë në shkelje të plotë të rregullave mbrojtëse kundër pandemisë, gjë që ndalohet sipas Akteve Normative të qeverisë.
