PD vazhdon publikimin e videove me banorët e prekur nga tërmeti

Nga Exit News
PD vazhdon publikimin e videove me banorët e prekur nga tërmeti

Partia Demokratike vazhdon të publikojë video të rasteve që ajo pretendon se nuk kanë marrë ndihmë për dëmet e tërmetit.

Përfaqësuesi i PD-së Belind Këlliçi takoi të dielën një banorë të fshatit Shpërdhet, në Kurbin të prekur nga tërmeti i 26 nentori.

Eduart Hysa i tregoi Këlliçit se pasi jetoi për disa muaj në çadër, ku i lindi dhe fëmija i vogël, vendosi të kthehet të jetojë në shtëpinë e shembur.

“Nuk jetohet me fëmijë të vegjël në çadër gjithë kohës. Tani përsëri këtu në shtëpi, po rrezikojmë. […]Në shtëpinë e prishur. Po rrezikoj dita-ditës”, tha ai për PD-në.

Hysa tregon se zyrtarët nuk jan kanë vleresuar siç duhet shtëpinë. Ai i bëri thirrje qeverisë të rishikojë vlerësimin e dëmit të banesë. “Mos të na lënë këtu që te na zënë këto gërmadha brenda!”, tha Hysa.

Familja Hysa, prej 6 personash, jeton me një pension invalidi prej 10 mijë lekësh. Ata nuk kanë marrë “bonus qiraje”, dhe me “paratë që përfiton për riparim nga vlerësimi DS2” nuk mund të rregulloj banesën.

Adresa juaj e emailit nuk do bëhet publike.

Lajme te ngjashme