Anëtarët e Partisë Demokratike do të zgjedhin sot kryetarin që do t’i drejtojë për katër vitet e ardhshme.
Në garë për të drejtuar partinë më të madhe të opozitës janë kreu aktual i PD, Lulzim Basha, Fatbardh Kadilli, Edith Harxhi dhe Agron Shehaj.
Votimi nis në orën 08:00 dhe mbyllet në orën 19:00.
Janë 75 mijë anëtarët e PD, që pritet t’i drejtohen 76 qendrave të votimit të ngritura në të gjithë vendin.
Zgjedhjet do të mbahen sipas parimit një anëtar një votë. Çdo anëtar i PD mund të votojë vetëm për një nga kandidatët pasi nëse zgjedh dy ose më shumë, vota konsiderohet e pavlefshme.
