Përplasen dy trena në Pragë, humbin jetën 3 persona

Nga Exit News
Përplasen dy trena në Pragë, humbin jetën 3 persona

Një tren ekspres, që ishte nisur nga Praga e po udhëtonte drejt Mynihut, u përplas me një tjetër tren vendas të mërkurën, pasi nuk ndaloi para sinjalit të semaforit.

“Ex 351 kaloi përmes një sinjali që tregon Stop … dhe u përplas me një tren pasagjerësh,” njoftoi ministri i Transportit, Karel Havlicek në Twitter.

Nga përplasja humbën jetën 3 persona, mes të cilëve dy drejtuesit e trenave.

Sipas një raportimi nga Reuters, 8 pasagjerë të tjerë u plagosën rëndë dhe disa u dërguan me helikopter në spital.

Dhjetë pasagjerë gjermanë me lëndime më të lehta u dërguan me ambulancë në spitalet gjermane, ndërkohë që shumica pësuan dëmtime të lehta.

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>