Policia e Shtetit mohon përgjimin e paligjshëm ndaj Kryetarit të opozitës Basha

Policia e Shtetit mohon përgjimin e paligjshëm ndaj Kryetarit të opozitës Basha

Policia e shtetit përgenjeshtroi përmes një njoftimi publik lajmin e gazetës Panorama ku pohohet se “kryetari i opozitës Lulzim Basha dhe familjarë të afërt të tij po mbahen në survejim nga segmente të Policisë Operacionale”, duke thënë se:

“Nuk është aspak e vërtetë që familja e z.Lulzim Basha, kryetar i PD-së, apo familjarë të tij, të mbahen nën vëzhgim nga forca policore.” — deklaron Policia e Shtetit.

Në deklaratën për shtyp, Policia e Shtetit sulmon median duke e quajtur të kapur nga politika dhe shprehet se lajmin e kanë prodhuar “zyrat e partive politike”.

“Një spekulim  mediatik me synim mashtrimin dhe keqinformimin e opinionit publik për qëllime që i gjykojmë të mbrapshta. [..] Lajmi në fjalë duket i fabrikuar nga zyrat e një partie politike dhe jo nga redaksi serioze.

Fakti që asnjë nga institucionet e përmendura nuk është kontaktuar nga media në fjalë, na krijon dyshimin se në këtë rast kemi të bëj   më me keqpërdorim flagrant të një gazete nga ana e politikës”. — shkruhet në njoftimin e Policisë së Shtetit.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>