“Faleminderit drejtuesve [..] dhe Saimir Tahirit për këtë rezultat kaq inkurajues në rrugën e Rilindjes. […]kjo është policia që duam për Shqipërinë e ligjshmërisë dhe qytetarisë.”
“Policia sot sulmohet, sepse nuk i shërben askujt tjetër përveçse ligjit.”
“Në këto tre vite besoj se mund të jemi krenarë për ç’ka kemi bërë, për ta rilindur Policinë e Shtetit. Lufta me krimin drogën dhe trafikun dhe për sigurinë e qytetarit është sot sikur nuk ka qenë kurrë më parë edhe më e mirë do të bëhet.”
Kështu shprehej Kryeministri Rama për punën e policisë së Shetit nën drejtimin e Saimir Tahirit. Ai e kthehu në moto të tij shprehjen “Policia që duam”, si shembull për arritjet e mëdha të qeverisë në luftën kundër krimit dhe drogës.
Por mjaftoi një hetim i Prokurorisë së Katanias për të shkërmoqur “Policinë që duam”.
Deri më tani, vetëm nga përgjimet e dosjes Habilaj tetë funksionarë të qeverisë, ndër to ish-ministri i Brendshëm Tahiri dhe ish-Zëvendësministrja e Brendshme Gjebrea, si dhe 6 punonjës të lartë të policisë janë nën akuzë nga Prokuroria e Krimeve të Rënda. Ato akuzohen se me veprimet apo mos veprimet e tyre kanë lejuar veprimtarinë kriminale të grupit të Habilajve.
– Saimir Tahiri, ish-Ministër i Brendshëm
– Elona Gjebrea, ish-zëvendësministre e Brendshme
– Edi Merkaj, Drejtor i Shërbimit të Brendshëm të Kontrollit
– Jeald Çelaj, ish-shef i Policisë në Vlorë,
– Alban Çelaj, ish-shefi i Policisë Shkodër
– Gjergji Kohila, shef i krimeve Vlorë
– Enkeleg Gregu, ish-drejtor i Postës së Policisë Selenicë
– Sokol Bode, ish-shef i Policisë Kufitare Dhërmi
