Policia sekuestro pasuritë e paluajthsme, me vlerë 3 milionë euro, në pronësi të shtetasit Gëzim Sallaku. Ai u dëbua nga Italia për trafik të lëndëve narkotike.
Pronat e sekuestruara janë:
100% të aksioneve të shoqërisë “GSA Sallaku” sh.p.k,
2 apartamente, në Durrës, në emër të shtetasit Gëzim Sallaku;
20.600 m2 sipërfaqe toke arë, në Durrës, në emër të shtetasit Gëzim Sallaku;
1000 m2 sipërfaqe toke truall, mbi të cilën janë ndërtuar 2 banesa me sipërfaqe 140 m2 secila, në Durrës, në emër të shtetasit Gëzim Sallaku;
Një godinë banimi dykatëshe dhe 2 apartamente banimi, në Durrës, në pronësi të shtetasit R. K.;
13 automjete të markave të ndryshme në pronësi të shoqërisë tregtare “GSA Sallaku”.
Prokuroria e Brescias riatdhesoi në shkurt Gëzim Sallakun, si “person i padëshiruar, me dokumenta jo të rregullta dhe i rrezikshëm”.
Sipërmarrësi 48 vjeçar u arrestua disa herë nga policia italiane për akuza të ndryshe. Nga viti 2002 e deri më tani ai ka qënë i përfshirë në shitjen e makinave të vjedhura, evazion fiskal, mashtrim dhe armëmbajtje pa leje.
Në vitin 2018, Sallaku sëbashku me 3 vëllezërit e tij u arrestua nga policia e Brescias sëbashku me 22 persona të tjerë për trafik droge. Ai u lirua 48 orë më pas, sepse vëllai i tij morri përsipër tarfikun e drogës.
Sallaku ka qënë pronar i klubi sportiv, i një hoteli dhe një restoranti në Brescia.
