Policia shqiptare arrestoi veteranin e UÇK-së, pas kërkesës së Serbisë

Nga Exit News
Policia shqiptare arrestoi veteranin e UÇK-së, pas kërkesës së Serbisë

Ministrja e Punëve të Jashtme dhe Diasporëse Kosovës Meliza Haradinaj-Stublla njoftoi se autoritetet e Shqipërisë e liruan ish-luftëtarin e UÇK-së, Murtez Kastrati, i cili u ndalua pas një kërkese të Interpolit për arrestimin e tij të paraqitur nga Serbia.

Të dielën paradite, Hysni Gucati, kreu i organizatës së veteranëve të UÇK-së njoftoi se ish-luftëtari Murtez Kastrati u arrestua në Shqipëri për shkak të kërkesës së Interpol Serbia. Ai paralajmëroi veteranët e UÇK-së që të shmangnin udhëtimet në Shqipëri.

Disa orë më vonë, Ministrja e Punëve të Jashtme të Kosovës tha që ajo kishte diskutuar çështjen me homologun e saj shqiptar dhe njoftoi se ish-luftëtari ishte liruar para telefonatës së tyre.

Ministrja Meliza Haradinaj-Stublla fajësoi Serbinë për ndalimin dhe fajësoi vazhdimin e dialogut:

“Është e papranueshme se si Serbia shtiret ndërkombëtarisht për kinse ‘konstruktivitet’ ndaj Kosovës, ndërsa posa mbyllen dyert e të ashtuquajturit dialog, vazhdon veprimet ilegale kundër Kosovës,” shkroi ajo në Facebook.

Ajo pohoi se Shqipëria nuk ka një listë të veteranëve të luftës në Kosovë. Prandaj, në teori, ata janë të gjithë të rrezikuar të arrestohen nga kërkesat e Serbisë.

Duke fajësuar edhe një herë Serbinë, ministrja premtoi “bashkëpunim të ngushtë” me homologun e saj Gent Cakaj për të shmangur “poshtërimin dhe keqtrajtimin e shqiptarëve për shkak të kërkesave së paligjshme të Serbisë”.

Të dy ministrat do të fillojnë punën për t’i siguruar Shqipërisë emrat e veteranëve të UÇK-së në mënyrë që të shmangen ndalimet në të ardhmen, sipas Haradinaj-Stublla.

Në vitin 2014, me iniciativën e kryeministrave Edi Rama dhe Hashim Thaçi, të dy qeveritë filluan takimet e përbashkëta në Prizren, Kosovë, një nga qytetet historike të patriotizmit shqiptar. Shumë takime të tilla kanë ndodhur rregullisht që nga atëherë në Shqipëri dhe Kosovë.

Marrëveshje në disa zona janë nënshkruar dhe premtime të shumta janë bërë në fjalimet patriotike nga kryeministrat, duke siguruar publikun se njerëzit në të dy anët e kufirit janë një komb.

Sidoqoftë, 21 vjet pas luftës së Kosovës, Shqipëria duket se nuk ka një listë të veteranëve të UÇK-së për të ndaluar arrestimin dhe ekstradimin e tyre nga Interpol i Serbisë.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>