Politika përplaset për identifikimin biometrik dhe votimin elektronik

Politika përplaset për identifikimin biometrik dhe votimin elektronik

Opozita dhe mazhoranca nuk kanë rënë dakort në Këshillin Politik për përfshirjen apo jo të identifikimit biometrik dhe votimit e numërimit elektronik në reformën zgjedhore.

Në përfundim të takimit të 28 majit, përfaqësuesi i Partisë Demokratike njoftoi se pa arritur kompromis në këto çështje “e vështirë të kemi dakortësi për çështjet e tjera”.

“Ajo që ne presim për mbledhjen e rradhës është që mazhoranca të vijë me një propozim ku identifikimi biometrik të jetë në çdo kuti dhe një projekt pilot për votimin dhe numërimin elektronik.” – tha Bylykbashi.

Përfaqësuesja e opozitës parlamentare, Rudina Hajdari njoftoi se do të marrin një shpjegim të zgjeruar nga OSBE/ODIHR për sistemin danez, të propozuar nga Ambasadorja Amerikane.

Qeveria tranzitore, kërkesë e Partisë Demokratike, nuk do të diskutohet në Këshill por në nivel politik.

Adresa juaj e emailit nuk do bëhet publike.

Lajme te ngjashme