Presidenti Ilir Meta njoftoi më 22 prill, dekretimin e ndryshimeve të Kodit Penal, që parashikojnë dënime me burg për ata që kryejnë me dashje veprime për përhapjen e koronavirusin.
Këto ndryshime u miratuan nga parlamenti më 16 prill në seancën e jashtëzakonshme plenare.
Në një komunikim nga Presidenca, Meta i quajti ashpërsimet e Kodit Penal si të nevojshme gjatë pandemisë:
“Presidenti vlerëson se inciativa e Kuvendit dhe qeverisë, që mbrojtja e shëndetit të garantohet edhe nga norma penale, duhet mbështetur.”
Meta tha se në ndryshimet e miratuara u reflektuan kritikat e presidencës, Avokatit të Popullit dhe shoqërisë civile për të parashikuar në Kod dënime proporcionale dhe në respektim të të drejtave të njeriut.
Për të mësuar më tepër për ashpërsimin e Kodit Penal lexoni këtu.
