Presidenti Meta dekreton Edi Ramën në krye të qeverisë

Nga Exit News
Presidenti Meta dekreton Edi Ramën në krye të qeverisë

Një ditë pas fillimit të punimeve të legjislaturës së X të Kuvendit të Shqipërisë u publikua edhe dekreti i Presidentit të Republikës Ilir Meta mbi konstituimin e qeverisë së re.

Me anë të dekretit, presidenti Ilir Meta ka emëruar Edi Ramën kryeministër të Shqipërisë, me kërkesë të shumicës socialiste dhe bazuar në rezultatin e zgjedhjeve të 25 prillit, të shpallur nga KQZ-ja.

Më 10 shtator deputetët e dalë nga zgjedhjet bënë edhe betimin dhe marrjen formale të detyrës së ligjvënësit në Kuvend, pas verifikimeve dhe puiblikimit të raportit nga Komisioni i Verifikimit të Mandateve.

Njëkohësisht, u votua Lindita Nikolla në postin e kreut të Kuvendit dhe u caktuan mes partive më të mëdha edhe krerët e Komisioneve të Përhershme Parlamentare.

Dekreti i Metës vjen pas muajsh përplasjes, para, gjatë dhe pas zgjedhjeve, mes Presidentit dhe shumicës socialiste, e cila votoi me shumicë në qershor për shkarkimin e tij. Ky vendim pret të konfirmohet ose të hidhet poshtë nga Gjykata Kushtetuese.

 

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>