Presidentja në detyrë e Kosovës, Vjosa Osmani kërkoi që Shqipëria të dënojë genocidin serb.
Gjatë një konference të përbashkët me kreun e PD-së, Lulzim Basha, Osmani pohoi se pa njohur krimet asnjë nga vendet e Ballkanit nuk do të eci përpara.
“Kërkesa jonë që Shqipëria të jetë shteti i dytë pas Kosovës që të dënojë gjenocidin serb përmes një rezolute është legjitime, që s’duhet të hasë në pengesa e pikëpyetje.
Ashtu siç vepruam me një zë në të kaluarën, të flasim më shumë tani, sepse tendenca e Serbisë dhe aleatëve të saj për të ndryshuar të vërtetën para syve tanë është e fortë se kurrë. së bashku të mos lejojmë të falsifikohet historia.
Ndaj të flasim të gjithë për ato krime se pa e njohur të vërtetën dhe pasur drejtësi asnjë nga shtetet në Ballkanin Perëndimor s’do mund të ecë përpara e të ketë paqe dhe stabilitet në rajon”
Basha premtoi gjatë konferencës miratimin e kësaj rezolute dhe gjithashtu heqjen e pengesave ekonomike mes dy vendeve.
