Prokuroria e Krimit të Organizuar dhe Korrupsionit në Maqedoninë e Veriut akuzoi ish-kryeministrit Nikolla Gruevski dhe pesë personave të tjerë për përvetësim fondesh, abuzim me detyrën dhe pastrim parash.
Gruevski dyshohet se në kohën kur ishte kryetar i VMRO-DPMNE-së ka përvetësuar 1.3 milionë euro donacione të padeklaruara të partisë për të blerë një truall në një nga zonat më të shtrenjta Shkupit, në Vodno.
Nga përgjimet e publikuara në vitin 2015 rezultin se Gruevski ka blerë disa parcela, pronësia e të cilave i ka kaluar një kompanie në pronësi të nënës së tij.
Prokuroria ka bllokuar pronën, duke mos lejuar që parcelat në Vodno të mund të shiten.
Ish-kryeministri, Nikolla Gruevski u dënua në mungesë, në nëntor të vitit 2018 ai u arratis në Hungari për t’iu shmangur vuajtjes së një dënimi tjetër prej dy vjet burg për shpërdorimit të detyrës gjatë blerjes për nevojat e qeverisë të një “Mercedesi” në vlerë rreth 600 mijë euro.
