Prokuroria, urdhër arresti për ish-kryebashkiakun Agim Kajmaku

Nga Stafi i Exit
Prokuroria, urdhër arresti për ish-kryebashkiakun Agim Kajmaku

Prokuroria kërkoi sot arrestimin e ish-kryebashkiakut të Vorës Agim Kajmaku, për shkak të fshehjes së të shkuarës së tij në formularët e dekriminalizimit.

Më 1 nëntor Komisioni Qëndror i Zgjedhjeve shkarkoi nga detyra Zotin Kajmaku, pasi ai nuk kishte deklaruar arrestimin dhe hetimin në Greqi për përdorim parash të falsifikuar, nën identitetin e rremë Jorgo Toto.

Pas denoncimit të Partisë Demokratike, faktet e mësipërme u vërtetuan nga prokuroria, nëpërmjet shenjave të gishtave.

Sipas ligjit të dekriminalizimit, kush gënjen në formularin e dekriminalizimit shkarkohet nga funksioni publik dhe dënohet me burg nga 6 muaj deri në 4 vjet.

Që prej muajit gusht PD ka denoncuar fshehjen e së shkuarës së kryebashkiakut Agim Kajmaku. Ky i fundit ka mohuar të jetë arrestuar, apo hetuar.

Përveç Kajmakut, demokratët kanë akuzuar edhe dy socialistë të tjerë, kryebashkiakun e Vaut të Dejës, Mark Babani dhe kandidatin për Shkodrën, Valdin Pjetri, ky i fundit u tërhoq nga marrja e mandatit pasi akuzat u vërtetuan.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>