Qindra artistë e qytetarë po protestojnë që prej orës 7 të mëngjesit kundër shembjen së Teatrit Kombëtar dhe futjes së policisë në mjediset e tij.
Forca të shumta policie kanë rrethuar që në mëngjes godinën e teatrit, për të lejuar punonjësit të hyjnë brenda dhe të nxjerrin materialet teatrore. Ky është hapi i radhës i qeverisë me qëllim lirimin e godinës e më pas shembjen e saj.
Por pas përplasjeve me policinë, artistë dhe qytetarë të shumtë u futën brenda sallave të Teatrit dhe po e vazhdojnë protestën aty.
Më poshtë Exit.al sjell disa foto nga protesta në mbrojtje të Teatrit Kombëtar dhe pronës publike.
