Protesta të tregtarëve të vegjël në Tiranë

Tregtarët e dy tregjeve të shitjes me pakicë në Tiranë, të njohura si tregu i Medresesë dhe tregu çam, kanë protestuar këtë mëngjes kundër administratës fiskale.

Dhjetra tregtarë janë mbledhur për të kundërshtuar gjobat e mëdha që administrata fiskale ka vendosur të aplikojë edhe për parregullsitë më të vogla. Sipas tyre, kjo politikë gjobash do t’i çojë tregtarët e vegjël me pakicë drejt falimentimit të sigurtë.

Në mënyrë të veçantë ata kanë kundërshtuar detyrimin për vendosjen e kasave fiskale si dhe rregullat për të mbajtur inventar magazine.

Sipas tyre, ata nuk kanë mundësi dhe aftësi për këtë organizim të ndërlikuar.

Një prej tyre e shprehu kështu mënyrën e të bërit biznes: “biznesi jonë është bli me 5 lekë e shit me shtatë e në fund të muajit bëj llogarinë për të parë si ke dalë.”

Protestuesit kanë akuzuar jo vetëm qeverinë por edhe opozitën që nuk kundërshton këto masa shtrënguese të qeverisë.

 

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>