Pas publikimi të raportit sekret të Kombeve të Bashkuara se Shqipëria, së bashku me vendet e tjera, kanë furnizuar me armë Republikës Demokratike të Kongos, pa njoftuar OKB-në siç kërkohet, qeveria shqiptare nuk ka bërë asnjë reagim zyrtar.
Exit News kontaktoi një zëdhënës të Kryeministrit Edi Rama, i cili tha përmes WhatsApp-it se lajmi ishte ” i pavërtetë”. Ata pastaj dërguan një lajm nga 2011-ta që raportonte se armët shqiptare po përdoren në një konflikt në vend.
Në atë kohë, Ministria e Mbrojtjes, në qeverinë e djathtë, nuk e mohoi që Shqipëria i shiste armë qeverisë së Kongos. Ata thanë që gjithçka ishte bërë në përputhje me ligjin dhe me njohuritë e plota të OKB-së.
Nga lajmi i 2011-ës:
“Në përgjigje të akuzave për të ashtuquajturin skandal të përdorimit të predhave shqiptare në luftimet në Kongo, Ministria e Mbrojtjes sqaron se këtu nuk ka asnjë skandal apo lajm. Shitja e predhave 120 mm për qeverinë e Republikës Demokratike të Kongos është e ligjshme. Kjo shitje është raportuar në Kombet e Bashkuara, pasi ajo është botuar në faqen zyrtare të Agjencisë Shtetërore të Kontrollit të Eksportit (NAIS), ” tha Sekretari i përgjithshëm i ministrisë së Mbrojtjes Ervin Kulluri, në atë kohë.
Në fakt, skandali më i fundit nuk është shitja e armëve për shtetin afrikan. Përkundrazi është fakti që nëse qeveria shqiptare i ka shitur ato, ajo nuk njoftoi OKB-në ashtu siç kërkohet të bëjnë. Kjo kërkesë është pjesë e rezolutës së vitit 2004, në të cilën Shqipëria është nënshkruese e saj.
Exit News pastaj e pyeti zëdhënësin në dy raste të veçanta nëse ata mund të lëshonin një mohim zyrtar nga Ministria e Mbrojtjes, por nuk u mor asnjë përgjigje.
Ndërsa shitja e armëve është e lejuar dhe nuk ekzistojnë sanksione aktualisht, duhet pyetur se pse qeveria nuk e njoftoi KB-në ashtu siç vepruan paraardhësit e tyre.
KB paralajmëroi që armët që dërgoheshin në ushtrinë e Kongos po përfundojnë në duart e milicëve. Vendi është prej vitesh i përfshirë nga dhuna dhe përplasjet, por kohët e fundit rreth 1000 njerëz janë vrarë dhe më shumë se gjysmë milioni janë shpërngulur.