Qeveria paketë të dytë ekonomike për turizmin dhe biznese të tjera

Nga Exit News
Qeveria paketë të dytë ekonomike për turizmin dhe biznese të tjera rama

Qeveria po përgatit një paketë të dytë ndihme ekonomike për ato biznese që nuk janë mbyllur me vendim qeverie, por që kanë mbetur pa punë si pasojë e ndalimit të qarkullimit të qytetarëve.

Gjatë komunikimit live, kryeministri Rama lajmëroi se paketa do të publikohet më 15 prill dhe në të do të përfshihen biznese si agjencitë turistike, dyqanet e veshjeve dhe produkteve të tjera, parukeritë etj, biznese të cilat edhe pse mund të jetë të hapura, nuk kanë klientë.

Rama njoftoi qytetarët se ka nisur lëvrimi i fondeve të paketës së parë ekonomike dhe deri më 6 prill, 9500 punonjës të bizneseve të vogla, kanë marrë ‘pagën e luftës’.

Deri në fund të javës, pritet që të shpërndahen deri në 60 mijë paga të tjera.

Bizneset e vogla të mbyllura për shkak të masave kufizuese mund të aplikojnë në faqen online të Drejtorisë së Tatimeve, e cila pasi bën verifikimit, miraton dhënien e pagave.

Adresa juaj e emailit nuk do bëhet publike.

Lajme te ngjashme