QSUT do të shërbejë tashmë dhe si laborator për testimet Covid-19. Lajmin e bëri të ditur Ministrja e Shëndetësisë, Ogerta Manastirliu.
Ajo pohoi se ky laborator do të rrisë kapacitetet për testimin dhe gjurmimin e rasteve të prekura me Covid-19.
“Me hapjen e këtij laboratori të dytë, krijojmë baza të mira për të rritur dhe për të zhvilluar testimin, i cili në fakt do të vijojë të ketë një objektiv kyç: gjurmimin e rasteve dhe izolimin e tyre. Sepse ne për asnjë moment nuk e kemi humbur vëmendjen nga qëllimi primar i testimit. i cili është pikërisht gjurmimi, izolimi dhe mundësia e kufizimit dhe e ndërprerjes së zinxhirit të infeksionit.
Ky laborator i certifikuar, siç e premtuam, do të rrisë kapacitetet e testimit dhe për t’iu përgjigjur strategjisë së testimit të realizuar me ekspertizën e Komitetit Teknik të Ekspertëve.”
Ky vendim erdhi si pasojë e rritjes së të infektuarve por edhe personave, të cilët shfaqin simptomat e Covid-19.
