Radha e makinave me emigrantë shqiptarë që presin të kalojnë në pikën kufitare të Kakavijës në Greqi ka shkuar rreth 10 kilometra.
Pritja e gjatë dhe temperaturat e larta kanë shkaktuar probleme dhe mes qytetarëve, veçanërisht të moshuarve e fëmijëve.
Në disa raste shoferët e autobuzëve dhe taksive po i lënë udhëtarët larg pikës kufitare duke i detyruar të lëvizin në këmbë.
Shkak për radhën e madhe është bërë testimi i detyrueshëm për këdo që kalon kufirin dhe mbyllja e sporteleve të palës greke nga ora 22:00 e mbrëmjes deri në orë 06:00 të mëngjesit.
Vendimi i qeverisë greke për të futur në karatinë të detyruar këdo që hyn në Greqi pas datës 17 gusht, ka bërë që të gjithë emigrantët e mbetur ende në Shqipëri të nxitojnë për tu kthyer.
