Rama 2013-2016 per nderkombetaret

Marrëdhënia aktuale mes aktorëve politikë në vend, si mes njëri-tjetrit, ashtu dhe me ndërkomëbtarët, duket se ngjan më situatën e vitit 2012-2013.

Në 2012, Bashkimi Evropian kërkoi me insistim miratimin e një pakete me tre ligje që kërkonin shumicën e cilësuar prej tre të pestat e votive (84 deputetë).

Votimi i ligjeve “Për Gjykatën e Lartë”, “Për nënpunësin civil” dhe rregullorja e Kuvendit ishin atëherë kushti i vetëm i Brukselit zyrtar për dhënien e statusit kandidat për në BE Shqipërisë.

Opozita e atëhershme (PS) nuk pranoi votimin e tre ligjeve me një kërkesë të vetme: shumica e atëhershme (PD) duhet të respektonte një vendim të Gjykatës së Lartë lidhur me këshillin bashkiak dalë nga zgjedhjet lokale 2011 në Fier.

Njësoj si për çështjen e reformës në drejtësi, institucionet evropiane dhe ambasadorët e BE-së e OSBE-së u përfshinë në arritjen e dakordosisë mes shumcës së atëhershme (koalicioni PD-LSI) dhe opozitës së atëhershme (PS).

Pas 8 muajsh bllokim, më 30 maj 2013, opozita pranoi votimin e te ligjeve të kërkuara nga BE-ja. Tre ligjet u miratuan me shumicë votash.

Më poshtë po japim disa nga deklaratat e kreut të opozitës së atëhershme Edi Rama për mosvotimin e ligjeve dhe ndërkombëtarët, si dhe deklaratat e Ramës si kryesministër sot kur kërkon nga opozita votimin e draftit të reformës në dretësi.

Janar 2013:

“Këto 3 ligje nuk ju çojnë në Evropë, nuk ju japin status. Ne nuk bëjmë teatër dhe ne kemi qenë dhe jemi të gatshëm t’i votojmë të 3 ligjet, por historia që ne duhet ta japim me përdhunë konsensusin nuk shkon. Kam kërkuar që kryeministri të ulet në tryezë, që të dëgjohet opozita dhe t’i hapet rruga votimit të 3 ligjeve.”

 

Shkurt 2013

S’funksionon me detyrim partneriteti me Bashkimin Europian e me komisionerin Fyle! Tri ligjet mund të votohen, nëse opozita dëgjohet se pse nuk i voton.”

“Ne jemi të gatshëm të përmirësojmë kuadrin ligjor, mbi të cilin vepron Gjykata e Lartë, por refuzojmë të marrim pjesë në një makijazh, teksa një vendim i Gjykatës së Lartë nuk zbatohet nga ana e qeverisë. Vendimi është i qartë, i prerë. Me tu zbatuar ai vendim ne padyshim do të përfshihemi në diskutimin dhe miratimin e draftit për Gjykatën e Lartë.”

 

Qershor 2016

“Ne nuk mund të bëjmë dot një reformë dhe tia hedhim BE-së.”

“Nuk ka ardhur BE të thotë që duam të hyjmë në Shqipëri, është Shqipëria që i bie derës e thotë duam të hyjmë në BE. Atëherë për të hyrë në atë derë ka një radiografim të shteteve, ashtu sic duam ta bëjmë ne me gjyqtarët.”

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>