Rama: 369 mjekë dhe infermierë kanë marrë dozën e parë të vaksinës

Nga Exit News
Rama: 369 mjekë dhe infermierë kanë marrë dozën e parë të vaksinës

Kryeministri Edi Rama deklaroi të dielën se 369 mjekë dhe infermierë kanë marrë dozën e  parë të vaksinës kundër Covid-19.

Në një postim në Facebook, Rama tha se javë pas jave procesi i vaksinimit do të rritet gradualisht po ashtu edhe rritmi i këtij procesi:

“369 mjekë dhe infermierë të vijës së parë të betejës me COVID19 janë sot më të mbrojtur nga virusi i rrezikshëm, pas kryerjes së dozës së parë të vaksinës antiCOVID në Qendrën e Vaksinimit në Air Albania Stadium, në 6 ditët e para të vaksinimit, teksa procesi do të vijojë edhe sot, pa u ndalur”.

Vaksinimi në Shqipëri është shoqëruar me debate në radhët e politikës.

Kryeministri Edi Rama është kritikuar nga opozita se nuk tregon vendin i cili solli vaksinat në Shqipëri.

Rama ka kritikuar disa herë Bashkimin Europian duke thënë se vendimi i disa vendeve të BE është egoistja i takon shpërndarjes së vaksinave.

Këto deklarata sollën edhe reagimin e ndërkombëtarëve në vendin tonë.

Edhe kreu i opozitës Lulzim Basha i dënoi deklaratat e Ramës ndaj BE.

Në fillim të vitit Shqipëria siguroi 500 mijë doza të vaksinës anti-Covid prodhuar nga kompanitë Pfizer dhe BioNTech.

Më 11 janar nisi dhe procesi i vaksinimit në vendin tonë me 975 doza të cilat iu dhuruan Shqipërisë nga një shtet anonim.

Adresa juaj e emailit nuk do bëhet publike.

Lajme te ngjashme