Kryeministri Edi Rama ka hapur një kanal të ri në YuoTube. Lajmërimin e bëri vetë Rama në një postim në Facebook, ditën e enjte. Rama është i pari politikan në vend me kanal në YouTube.
Kryeministri ka edhe një kanal televizioni privat, ERTV, i cili transmetohet në faqen zyrtare në Facebook të tij.
Që kur është krijuar, ERTV, i cili financohet me para publike të menaxhuara nga Kryeministri — edhe pse nuk bëhet publike asnjë shifër zyrtare —ka qënë një faktor dominues në mjedisin e medias në Shqipëri, shpesh duke transmetuar pa ndërprerje çdo lëvizje të Kryeministrit. ERTV është kthyer në pikë kryesore reference dhe burim informacioni për mediat të cilat nuk kanë mundësi të angazhojnë burimet e tyre për mbulimin e aktiviteteve të Kryeministrit.
