Shumica socialiste dhe opozita parlamentare arritën marrëveshjen për miratimin e marrëveshjes së 5 qershorit dhe të ndryshimeve kushtetuese.
Në marrëveshjen e publikuar nga Ballkanweb, Kryeministri Edi Rama dhe kryetarët e grupeve parlamentare Myslim Murrizi, Edmond Stojku, dhe Nimet Musai, pas takimit në orën 19:00, në kryesinë e Kuvendit kanë vendosur:
1 – Të miratojnë më 23 korrik në Kuvend, marrëveshjen e 5 qershorit mes, PD, PS, LSI dhe deputetes Rudina Hajdari.
2 — Të miratojnë më 30 korrik ndryshimet kushtetuese për listat e hapura të propozuara nga 28 deputetë të opozitës parlamentare dhe të mbështetur nga Partia Socialiste.
3 — Të vazhdojnë dialogu ndërpartiak për arritjen e një dakordësie për ndryshimet kushtetuese.
Kryeministri më herët u takua edhe me Ambasadoren amerikane Yuri Kim. Sipas mediave tema e takimit ka qënë reforma zgjedhore dhe marrëveshja e 5 qershorit.
Ndërsa të hënën ai u takua edhe përfaqësuesit e opozitës parlamentare në Këshillin Politik pa arritur në një dakordësi për hapjen e listave dhe ndalimin e koalicioneve.
