Rama dhe udhëheqësit e Ballkanit takohen me Joseph Borrell

Nga Exit News
Rama dhe udhëheqësit e Ballkanit takohen me Joseph Borrell

Kryeministri Edi Rama dhe udhëheqësit e tjerë të Ballkanit do të takohen sot, 18 maj në Bruksel me kreun e diplomacisë së BE-së Josep Borrell, në një darkë pune informale. Qëllimi i takimit është diskutimi i procesit të integrimit të rajonit në BE.

Kjo do të jetë vizita e parë në Bruksel e kryeministrit Rama pas zgjedhjeve të 25 prillit.

Gjithashtu, ky pritet të jetë takimi i parë mes kryeministrit të Kosovës, Albin Kurti dhe presidentit serb Aleksandar Vuçiç, raporton KosovaPress.

“Do të takohen të gjithë përfaqësuesit, përkatësisht liderët e Ballkanit Perëndimor. Ky lloj organizimi i shërben komunikimit dhe diskutimit ndërmjet të gjithë liderëve të Ballkanit Perëndimor dhe Bashkimit Evropian mbi ato që konsiderohet interesa dhe qëllime të përbashkëta”, ka deklaruar zëdhënësi i Kurtit, Kryeziu, për median e Kosovës.

Synimi i takimit do të jetë përmirësimi i marrëdhënieve bilaterale midis shteteve.

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>