Rama, fundjava njësoj si e kaluara, të gjithë të mbyllur në shtëpi

Nga Exit News
Rama, fundjava njësoj si e kaluara, të gjithë të mbyllur në shtëpi

Kryeministri Rama konfirmoi lajmin e njoftuar dhe më parë se fundjava nuk do të jetë me lehtësime të masave kufizuese.

Në një video-bisedë me qytetarët në Facebook, Kryeministri u shpreh se ngujimi në shtëpi do të vazhdojë njësoj si fundjavën e shkuar.

“Fundjava do të jetë e bllokuar. E shtuna e diela është e bllokuar. Të gjithë në shtëpi. Përveç atyre që janë në punë. Jemi në situatë pozitive, por situata pozitive është e përmbysshme!”

Lajmi për aplikimin e të njëjtave masa në fundjavë e komunikoi në mesditë zëvendësdrejtori i Policisë për Sigurinë Publike, Dhimitraq Ziu.

Kështu duke nisur nga ora 17:30 e së premtes, 24 prill, e deri në orën 05:00 të së hënës, 27 prill, do të ndalohen të gjitha lëvizjet e qytetarëve.

Të premten autoritetet shëndetësore raportuan 15 të diagnostikuar të tjerë me Covid-19, duke e çuar totalin e të infektuarve në 678 persona, prej tyre 394 janë shëruar dhe 27 kanë vdekur.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>