Kryeminsitri Rama, në një takim elektoral në Lezhë të enjten pasdite, ironizoi kreun e PD, Lulzim Bashën, duke e quajtur atë Rrapush Xhaferri i ri.
Rama tha se Basha u premton njerëzve se ai do u zgjidh hallet dhe ata nuk kanë përse të lodhen, mund të rrijnë në kafe.
Ai shtoi se Basha u thotë njerëzve më jepni një, t’ju jap dy.
“Fundi ishte që më jep një, të jap dy, u bënë dy gishta mu në sy që qorruan një popull të tërë,” u shpreh ai duke hequr paralele me rënien e firmave piramidale.
“Si mund t’i besohet sot një Rrapushi të ri, i veshur dhe i zbukuruar si dhëndër që ka dalë për nuse me një tabor nusesh,” përfundoi ai Rama.
