Rama këmbëngul të zgjidhë krizën në Bjellorusi

Nga Exit News
Rama këmbëngul të zgjidhë krizën në Bjellorusi

Kryeministri Rama, në cilësinë e kreut të OSBE, ka ripërsëritur ftesën për dialog dhe ndërmjetësim për zgjidhjen e krizës në Bjellorusi, ndaj presidentit Aleksandër Lukashenko.

Përmes një letre nënshkruar dhe nga Ann Linde, ministrja e Jashtme e Suedisë, vendi që do të ketë presidencën e radhës së OSBE-së, Rama shkruan:

“I nderuar zoti President, si kryesuesi i OSBE-së, po ndjekim nga afër situatën e krijuar në Bjellorusi. Do të donim t’ju rikujtonim ofertën tonë për të vizituar nga afër Bjellorusinë, që të dëgjojmë dhe të gjejmë një zgjidhje për sfidat që po kalon vendi. Jemi të gatshëm të zgjerojmë mbështetjen tonë.”

Pak ditë më parë, në 17 gusht, Rama propozoi një takim të përfaqësuesve të OSBE-së me qeverinë dhe opozitën në Bjellorusi, me qëllim qetësimin e tensioneve të krijuara pas organizimit të zgjedhjeve presidenciale të 9 gushtit.

Propozimi i Ramës është mbështetur dhe nga Këshilli Europian, BE-ja dhe SHBA-të, të cilët kanë shprehur gatishmërinë për të ofruar asistencë në realizimin e takimit.

Por deri më tani, nuk ka pasur asnjë reagim për këtë ftesë nga Bjellorusia.

Letra e Edi Ramës për krizën në Bjellorusi
Letra e Edi Ramës për krizën në Bjellorusi

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>