Kryeministri Rama tregoi se po pret miratimin e opozitës dhe qeverisë Bjelloruse për të shkuar në Minks, si drejtues i OSBE-së. “Në Minsk OSBE nuk shkon për selfie në protestë, po për të komunikuar me qeverinë dhe opozitën, çka kërkon aprovimin e të dyja palëve”, shkroi ai në një postim në Twitter.
Ai u shpreh krenar për vlerësimin e BE-së ndaj punën e tij në drejtimin e OSBE-së:
“Unë jam krenar për faktin se megjithë kohën e mallkuar të pandemisë, lidershipi ynë i OSBE ka kryer me sukses punën e premtuar dhe ka fituar respekt e besim ndërkombëtarisht, çka e tregon qartë edhe referimi i BE-së ndaj ofertës së OSBE për Minskun”.
Madje, Kryeministri mbajti sekret komunikimet me BE-së, por na siguroi se Shqipëria dhe Suedia po bëjnë më të mirën:
“Nuk i kemi bërë publike komunikimet e shpeshta të këtyre ditëve me aktorë të niveleve të larta në BE e jo vetëm, sepse kjo është natyra e punës në këtë fazë, por dua t’i siguroj të gjithë të interesuarit për këtë temë se Shqipëria po bën vërtetë më të mirën, bashkë me Suedinë🇦🇱🇸🇪”.
