Rama: Opozita e ka përmirësuar sjelljen, kur nuk ka kamera politikanët sillen ndryshe

Nga Exit News
Rama: Opozita e ka përmirësuar sjelljen, kur nuk ka kamera politikanët sillen ndryshe

Kryeministri Edi Rama është pyetur nga komentatori politik Arjan Vasjari në emisionin Real Story për të vlerësuar sjelljen e opozitës gjatë kësaj krize dhe nëse ai shikonte hapësira komunikimi dhe bashkëpunimi me të.

Kyreministri tha se opozita “ka një përmirësim në sjellje”. Ai e vlerësoi sjelljen e opozitës në fillimet e krizës së koronavirusit si “skandaloze dhe jashtë çdo lloj standardi”. Ai ka uruar që “ky përmirësim në sjelljen e opozitës të vazhdojë” edhe në të ardhmen.

Më tej, Rama la të nënkuptohet se politikanët sillen ndryshe jashtë kamerave kur nuk i shohin njerëzit.

Duke ju referuar mbledhjes së djeshme të Këshillit të Sigurisë Kombëtare, ku mori pjesë me ftesë të Presidentit Meta edhe Zoti Basha, ndonëse ai nuk është anëtar i këtij këshilli, Rama është shprehur se në mbledhje mes të treve ka patur një shkëmbim pikëpamjesh në mënyrë shumë të civilizuar.

Duke reflektuar mbi këtë civilitet, Rama u shpreh:

“Sa kam menduar gjynah që kur nuk ka kamera dhe nuk ka popull që ndjek aftësia për të qënë i civilizuar është kaq evidente. Sikur të ishte komunikimi publik si ajo mbledhje, Shqipëria do ishte nga pikëpamja e civilizimit politik një vend që s’do ti kishte zilinë vërtet shumë vendeve të Europës, për shëmbull Britanisë së Madhe fare një herë…”

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>