Rama quan ‘sinjal të mirë’ dënimin e ish-kryeprokurorit Llalla

Nga Exit News
Rama quan ‘sinjal të mirë’ dënimin e ish-kryeprokurorit Llalla

Kryeministri Rama ka quajtur “sinjale të mira” për shtetin e së drejtës vendimin e GJKKO për dënimin me burg të ish-kryeprokurorit Adriatik Llalla.

Rama ka komentuar dënimin e ish-kryeprokurorit në një intervistë për televizionin francez France 24.

“Nëse ish-kryeprokurori, dhe ish-personalitete të gjyqësorit dhe politikës dënohen është një sinjal i mirë për shtetin e të drejtës, prandaj ne vazhdojmë këtë proces negociatash, për të ndërtuar një shtet të së drejtës, një demokraci funksionale”, u shpreh Rama.

I pyetur për problemet e raportuara në lidhje me zgjedhjet në Shqipëri, veçanërisht publikimin e bazës së të dhënave personale, Rama hodhi poshtë pretendimin që ato të jenë marrë nga portali e-albania.

Rama theksoi se numri personal i kartës së identitetit që doli nga të dhënat e publikuara nuk “nuk është e dhënë sensitive”.

Kryeministri u justifikua gjithashtu duke thënë se regjistri i gjendjes civile në Shqipëri ka qenë publik në internet prej vitesh.

Sa i përket zgjedhjeve në tërësi, Rama iu referua raportit të OSBE/ODIHR duke thënë se ai ka qenë i qartë “për integritetin e fushatës dhe zgjedhjeve”.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>