Kryeministrin Edi Rama i ka bërë thirrje kreut të PD-së Lulzim Basha që të japë shpjegime për përfshirjen e tij në hetimet për Ushtrinë Çlirimtare të Kosovës.
Në një postim në Facebook, Rama shkruan se nuk është ai që e akuzon Bashën, por vetë heshtja dhe shmangia e tij nga mosshpjegimet:
“Në këtë mes unë kam vetëm një rol, atë që më takon: T’i kërkoj Lulëzim Bashës t’i sqarojë publikut se kush është ai në këtë mes dhe pse i’a kërkojnë atij dëshmitarët hesapin e nuk i’a kërkojnë dikujt tjetër?!”
Rama tha se Basha e ka për detyrë të japë shpjegime sepse kjo është një çështje me interes kombëtar:
“Lulëzimi nuk është dokushdo dhe këtu nuk flitet as për jetën private, as për punën private, po për një çështje sa publike e deri edhe me interes kombëtar, aq edhe karakteriale për drejtuesin e opozitës, i cili synon të bëhet i pari i shtëpisë sonë të përbashkët.”
